چینی وزارتِ خارجہ کے ترجمان نے اعلان کیا ہے کہ روسی حکومت کی دعوت پر کمیونسٹ پارٹی آف چائنا کی مرکزی کمیٹی کے سیاسی بیورو کی قائمہ کمیٹی کے رکن اور چین کے نائب وزیرِ اعظم ڈنگ شوئے شیانگ 2 سے 4 ستمبر تک روس کا دورہ کریں گے۔
دورے کے دوران وہ گیارہویں ایسٹرن اکنامک فورم میں شرکت کریں گے۔اس کے علاوہ اس دوران چین۔روس سرمایہ کاری تعاون کمیٹی کا تیرہواں اجلاس، توانائی تعاون کمیٹی کا تئیسواں اجلاس اور آٹھواں چین۔روس انرجی بزنس فورم بھی منعقد ہوگا۔
31 اگست کو وزارتِ خارجہ کی رسمی پریس بریفنگ میں ترجمان گو جیا کھون نے کہا کہ رواں سال چین اور روس کے درمیان اسٹریٹجک تعاون کی شراکت داری کے قیام کی تیسویں سالگرہ اور چین۔روس اچھی ہمسائیگی، دوستی اور تعاون کے معاہدے پر دستخط کی پچیسویں سالگرہ ہے۔
انہوں نے کہا کہ چین روس کے ساتھ مل کر دونوں ممالک کے سربراہانِ مملکت کے درمیان طے پانے والے اہم اتفاقِ رائے پر عمل درآمد کرنے کے لیے تیار ہے تاکہ نئے دور میں چین۔روس جامع اسٹریٹجک تعاون کی شراکت داری کو مزید اعلیٰ سطح تک لے جایا جا سکے اور دونوں ممالک کے عوام کو مشترکہ طور پر فائدہ پہنچایا جا سکے۔
