مقامی وقت کے مطابق 19 مئی کو ایران کے نائب وزیر خارجہ کاظم غریب آبادی نے کہا کہ امریکہ "خطرے" کو "امن کا موقع" قرار دے رہا ہے ، تاہم پوری ایرانی قوم متحد ہے اور کسی بھی قسم کی فوجی جارحیت کا بھرپور جواب دے گی۔ ایرانی فوج کے ترجمان کا کہنا ہے کہ اگر دشمن قوتوں نے دوبارہ ایران پر حملہ کیا تو ایران نئے طریقۂ کار اختیار کرتے ہوئے "نئے محاذ" کھول کر جوابی کارروائی کرے گا۔
دوسری جانب ، امریکی صدر ٹرمپ نے کہا کہ امریکہ ایران کے خلاف دوبارہ "شدید حملے" کر سکتا ہے، تاہم براہِ راست مذاکرات کے لیے کم از کم دو سے تین دن کا وقت دیا جائے گا۔امریکی نائب صدر جے ڈی وینس کا کہنا تھا کہ امریکہ اور ایران کے درمیان براہ راست مذاکرات میں مواصلاتی ذرائع کے قیام اور سفارتی عمل کو آگے بڑھانے میں "اہم پیش رفت" ہوئی ہے، لیکن امریکہ نے فوجی کارروائیوں کو دوبارہ شروع کرنے کے لیے "پلان بی" بھی تیار کر لیا ہے۔ دریں اثنا، اسرائیلی حکام کا اندازہ ہے کہ ٹرمپ انتظامیہ اب بھی ایران کے خلاف فوجی کارروائی دوبارہ شروع کرنے کی حامی ہے۔ امریکی ذرائع کی 19 تاریخ کی اطلاع کے مطابق، نیٹو کے ایک سینئر اہلکار نے کہا ہے کہ اگر آبنائے ہرمز جولائی کے آغاز تک دوبارہ نہ کھولی گئی تو نیٹو اس آبی گزرگاہ سے جہازوں کی محفوظ آمدورفت میں معاونت پر غور کر سکتا ہے۔ اس تجویز کو نیٹو کے کئی رکن ممالک کی حمایت حاصل ہو چکی ہے، تاہم ابھی تک اسے باضابطہ منظوری کے لیے درکار مکمل اتفاقِ رائے حاصل نہیں ہو سکا۔
