5 اگست 2026 (پیپلز ڈیلی آن لائن) چین کی وزارت صنعت و انفارمیشن ٹیکنالوجی کے تحقیقی ادارے کے ایک اندازے کے مطابق، 2025 میں چین کی اے آئی صنعت کا حجم 1.2 ٹریلین یوان (تقریباً 176.7 بلین امریکی ڈالر) سے متجاوز ہوگیا جو کہ سال بہ سال 40 فیصد کا اضافہ ہے۔
چین کی اکیڈمی آف انفارمیشن اینڈ کمیونیکیشن ٹیکنالوجی (CAICT) کے اعداد و شمار کے مطابق، جون 2026 تک چین میں 6,600 سے زیادہ اے آئی کمپنیز موجود تھیں، جو کہ عالمی کل کا 15 فیصد ہیں۔ چین نے بنیادی ڈھانچے، ماڈلز اور فریم ورک نیز اس شعبے کی مخصوص ایپلیکیشنز پر مشتمل ایک مکمل صنعتی نظام تشکیل دیا ہے۔ 2025 میں ایپلیکیشنز کا شعبہ پوری اے آئی انڈسٹریل چین کا 55 فیصد تھا، جو کہ سال بہ سال 22 فیصد بڑھا۔ بنیادی شعبے کا حصہ 38 فیصد ہے اور اس میں 59 فیصد اضافہ ہوا، جب کہ ماڈلز اور فریم ورک کے شعبے کا حصہ 7 فیصد رہا اور اس میں 189 فیصد اضافہ ہوا۔ اکیڈمی کا کہنا ہے کہ یہ صنعت صرف چند علاقوں میں مرکوز ہے، جن میں بیجنگ، گوانگ دونگ، شنگھائی، جہ جیانگ اور شان دونگ کا قومی مجموعے میں حصہ 80 فیصد سے زیادہ ہے۔
لارج اے آئی ماڈلز، اے آئی ایجنٹس اور اے آئی چپس تیزی سے ترقی کر رہے ہیں، جبکہ اے آئی مصنوعات متنوع ہو رہی ہیں اور روایتی صنعتوں میں ان کا استعمال بڑھ رہا ہے۔ چین اپنے "اے آئی پلس" اقدام کو جاری رکھے گا تاکہ مختلف شعبوں اور معیشت و معاشرت کے میدانوں میں اے آئی کو زیادہ وسعت اور گہرائی کے ساتھ ضم کرنے کو فروغ دیا جا سکے۔
