مشرقی چین کے صوبے جیانگ شی کے شہر ، جینگ دہ جین کے تھاویانگ لی تاریخی وثقافتی بلاک کا فضائی منظر ( فائل فوٹو ۔ شنہوا)
2 نومبر 2026 (پیپلز ڈیلی آن لائن)31 اکتوبر کو ، مشرقی چین کے شہر فوجو میں ، شہروں کا عالمی دن منایا گیا ، جس میں چین کے "پورسلین کیپٹل " جینگ دہ جین سمیت پانچ شہروں کو شہروں میں پائیدار ترقی کے چوتھے دور کے عالمی ایوارڈ جسے شنگھائی ایوارڈ بھی کہا جاتا ہے سے نوازا گیا۔دیگر شہروں میں ایتھوپیا کا ادیس ابابا، کولمبیا کا سانتیاگو ڈی کالی، ترکیہ کا استنبول اور پولینڈ کا شہر کاٹووائس شامل ہیں۔
اس تقریب میں، اقوام متحدہ کے اعلیٰ عہدیداروں، قومی حکومتوں کے نمائندوں، مقامی حکام، بین الاقوامی تنظیموں، تعلیمی اداروں، نجی شعبے اور کمیونٹی نیٹ ورکس نے شرکت کی ۔
دسمبر 2013 میں، اقوام متحدہ کی 68 ویں جنرل اسمبلی نے ایک قرارداد منظور کی جس میں 31 اکتوبر کو شہروں کے عالمی دن کے طور پر منانے کا اعلان کیا گیا۔ یہ اقوام متحدہ میں چینی حکومت کی طرف سے تجویز کردہ پہلا بین الاقوامی دن تھا۔
چینی مٹی کے برتنوں کی ثقافت، طویل عرصے سے تہذیبوں کے مابین تعامل کا ایک بہترین ذریعہ رہی ہے۔ قدیم شاہراہِ ریشم کے دور میں ، جینگ دہ جین کے چینی مٹی کےبرتن ایک نمایاں ثقافتی علامت تھے، جن کے ذریعے دنیا نے چین کو جانا اور چین نے دنیا سے رابطہ قائم کیا۔اسی ورثے کی بنیاد پر، جِینگ دہ جین نے ثقافتی تحفظ کو تخلیقی تجدید کے ساتھ ہم آہنگ کرتا ایک ترقیاتی ماڈل اپنایا ۔ مٹی کے برتنوں کی سابقہ فیکٹریوں کو ثقافتی اور تخلیقی ڈسٹرکٹس میں تبدیل کیا گیا ، پرانی گلیوں میں چینی مٹی کے برتنوں کے موضوع پر تنصیبات لگائی گئیں اور تاریخی کوچوں کو احتیاط سے محفوظ اور بحال کیا گیا ہے۔یہ شہر اس غیر مادی ثقافتی ورثے کے 3,200 سے زیادہ وارثوں کا گھر ہے۔ اسے یونیسکو کے تخلیقی شہروں کے نیٹ ورک میں دستکاری اور لوک فن کا شہر بھی قرار دیا گیا ہے۔ جینگ دہ جین کا یہ اعزاز ، چین کی شہری تجدید کی وسیع کوششوں کی ایک مثال ہے۔
شہری تجدید میں سرمایہ کاری اور صارفیت کی بڑی صلاحیت موجود ہے۔ چین نے 2026 سے 2030 تک 1,500 پرانی سڑکوں اور فیکٹریز کی تجدید کا ہدف مقرر کیا ہے، تاکہ نئی صنعتوں اور نئے کاروباری ماڈلز کو متعارف کروا کر شہری ترقی میں ایک نئی رفتار پیدا کی جا سکے۔
