چین کا معمر اور خصوصی افراد کے فائدے کے لیے معلومات تک رسائی میں اضافہ

بیجنگ کے ٹروجن فیئری ریسٹورنٹ میں فلم دیکھنے کے بعد، خصوصی افراد اس سے متعلق تبادلہِ خیال کر رہے ہیں۔ (شنہوا۔ ین گانگ)

5 نومبر 2026 (پیپلز ڈیلی آن لائن) 3 اکتوبر کو، معیاری ماحول کی تعمیر کے قانون کے نفاذ پر قومی عوامی کانگریس کی مستقل کمیٹی کے جاری اجلاس میں جائزے کے لیے پیش کی گئی ایک رپورٹ کے مطابق، چین معلومات تک رسائی کو مزید علاقوں، خاص طور پر ان علاقوں تک بڑھا رہا ہے جو معذور افراد اور بزرگوں کی روزمرہ زندگی سے قریبی تعلق رکھتے ہیں۔

رپورٹ میں بتایا گیا ہے کہ قابل رسائی معلومات اور مواصلات کی خدمات کے معیار اور کوریج میں بہتری آئی ہے۔ 2025 کے آخر تک، پارٹی اور حکومتی اداروں کے زیر انتظام تقریباً 11,000 ویب سائٹس کو مزید قابل رسائی بنانے کے لیے اپ گریڈ کیا گیا، جب کہ 3,100 سے زیادہ ویب سائٹس، موبائل ایپس اور معذور افراد یا بزرگوں کے عام استعمال میں رہنے والے منی پروگرامز کو، مزید قابل رسائی اور عمر کے مطابق اپ گریڈ کیا گیا ہے۔ قابل رسائی معلومات کی خدمات میں سمارٹ ٹیکنالوجیز کا استعمال بھی بڑھ گیا ہے اور مصنوعی ذہانت کو اشاروں کی زبان نشر کرنے اور قابل رسائی سہولیات کی ترقی جیسے شعبوں میں استعمال کیا جا رہا ہے۔

چین نے عوامی خدمات، بنیادی ڈھانچے اور ثقافتی سہولیات میں رسائی کو بہتر بنانے میں اہم پیش رفت کی ہے۔تعلیم، صحت، ثقافت اور سیاحت میں رسائی کی خدمات بھی بہتر ہوتی جا رہی ہیں۔ چین بھر کے عوامی کتب خانے اب بصارت سے محروم افراد کے لیے صوتی مطالعے کے مخصوص کمرے میں 40,000 سے زیادہ نشستیں فراہم کرتے ہیں۔ قابل رسائی ماحول کی تعمیر کے لیے چین کا 2023 کا قانون ایک جامع قانونی ڈھانچہ تشکیل دینے میں معاون رہا ہے اور آج 260 سے زیادہ قومی معیار، مختلف پہلووں سے عمر کے مطابق بہتری کے ساتھ رسائی کی سہولیات کا احاطہ کرتے ہیں۔ 14ویں پانچ سالہ منصوبے (2021-2025) کے دوران، تقریباً 70,000 رہائشی کمیونٹیز میں معمر یا خصوصی افراد کے لیے رسائی کی سہولیات میں بہتری کی گئی اور پہلے سے موجود عمارات میں تقریباً 135,000 لفٹس نصب کی گئیں۔

تقریباً 85 ملین معذور افراد اور تیزی سے بڑھتی ہوئی عمر رسیدہ آبادی کے ساتھ، چین 15 ویں پانچ سالہ منصوبے (2026-2030) کے دوران بحالی، تعلیم، روزگار اور سماجی تحفظ تک رسائی کو مزید بہتر بنانے کا ارادہ رکھتا ہے۔ رپورٹ میں ڈیجیٹل ٹیکنالوجیز اور مصنوعی ذہانت کی صلاحیت کو بھی اجاگر کیا گیا ہے تاکہ زیادہ شمولیتی، قابل رسائی اور عمر دوست ماحول تشکیل دیا جا سکے۔