6 اکتوبر 2025 ۔ فرانس میں یونیسکو کے ڈائریکٹر جنرل کے عہدے کے لیے منعقدہ انتخابات میں کامیابی کے بعد ،خالد احمد ال-عینانے علی عز تقریب سے خطاب کر رہے ہیں۔ (شِنہوا/جانگ بائی حوئی)
6اگست 2026 (پیپلز ڈیلی آن لائن)5 اگست کو ، یونیسکو نے عالمی دارالحکومت برائے فن تعمیر کی مشترکہ کمیٹی کی سفارش کے بعد چین کے دارالحکومت بیجنگ کو یو نیسکو-یو آئی اے ورلڈ کیپٹل آف آرکیٹیکچر 2029 کے طور پر نامزد کرنے کا اعلان کیا۔
یونیسکو اور یو آئی اے ( انٹرنیشنل یونین آف آرکیٹیکٹس) کا مشترکہ طور پر قائم کردہ ورلڈ کیپٹل آف آرکیٹیکچر پروگرام ،پائیدار شہری ترقی کے فروغ میں فن تعمیر، شہری منصوبہ بندی، ثقافت اور ورثے کے تبدیلی کے کردار کو اجاگر کرتا ہے ۔
یونیسکو کی جانب سے جاری کردہ پریس ریلیز کے مطابق، بیجنگ کو اس کے بھرپور تعمیراتی ورثے کو ایک جدید اور پائیدار شہری ترقی کے وژن کے ساتھ یکجا کرنے کی غیر معمولی صلاحیت کی بنا پر منتخب کیا گیا ہے۔ اس کا تاریخی شہری تانا بانا، بحالی و تجدید کے کامیاب منصوبے اور بھرپور تعمیراتی ثقافت یہ ظاہر کرتی ہے کہ مضبوط اور قابل رہائش شہر وں کی تشکیل میں ورثہ، جدت اور معاشرتی زندگی کس طرح سے ایک دوسرے کو مضبوط بنا سکتے ہیں۔
3 اگست 2026۔ بارش کے بعد بیجنگ کے آسمان پر بکھری قوسِ قزح (شنہوا۔ دو جوان جوان )
یونیسکو کے ڈائریکٹر جنرل خالد احمد ال-عینانے علی عز نے بیجنگ 2029 کے لیے مثبت توقعات کا اظہار کرتے ہوئے، شہر کے تعمیراتی ورثے، شہری تبدیلیوں اور وژن کو، تعمیرات کے عالمی مباحث کے محرکات قرار دیا ہے۔
2020 میں برازیل کا شہر ریو ڈی جنیرو پہلا شہر تھا جو یونیسکو-یو آئی اے ورلڈ کیپٹل آف آرکیٹیکچر قرار پایا۔ اس کے بعد یہ اعزاز کوپن ہیگن اور بارسلونا کو حاصل ہوا۔
