چین کے سنکیانگ خود اختیار علاقے کے شہر، تورپان کی گاوچھانگ ڈسٹرکٹ کے شوگوانگ ایلیمینٹری سکول میں، انگریزی کی کلاس کے دوران عدیلہ علیم (بائیں جانب سے دوسری) دیگر طلبہ کے ساتھ پڑھ رہی ہیں۔(پیپلز ڈیلی آن لائن۔نادیلا)
27اگست 2026 (پیپلز ڈیلی آن لائن)چین کے سنکیانگ خود اختیار علاقے کے شہر، تورپان کی گاوچھانگ ڈسٹرکٹ کے شوگوانگ ایلیمینٹری سکول میں انگریزی کی کلاس کے دوران عدیلہ علیم دیگر ہم جماعتوں کی طرح کرسی پر سیدھی بیٹھی تھی اور اس کی نظریں سامنے بلیک بورڈ پر تھیں۔ تقریباً ایک سال پہلے، عدیلہ کو پڑھنے میں مشکلات کا سامنا تھا، وہ اکثر کتاب کو اپنی آنکھوں کے انتہائی قریب لاکر پڑھنے کی کوشش کرتی تھی، اس کی دائیں آنکھ فقط مدھم روشنی ہی محسوس کرتی تھی۔
صحت کی بحالی کی ایسی کہانیاں اب تورپان میں عام ہیں۔ صوبہ حونان کے طبی امداد فراہم کرنے والے کارکنان نے بہت سی زندگیوں کو تبدیل کیا ہے اور علاقائی تعلقات کو مضبوط کیا ہے۔ چین کے سنکیانگ کے لیے شروع کیے جانے والے "پیئرڈ -اسسٹنس انیشئیٹو" کے تحت کام کرنے والے ان طبی کارکنان کو مقامی لوگ پیار سے "ڈاکٹر ماؤ" کہتے ہیں۔ پیار کا یہ نام 2022 میں اس وقت دیا گیا تھا جب ایک 94 سالہ ویغور خاتون نے اپنے دل میں سٹینٹ ڈالنے کے کامیاب آپریشن کے بعد، شکریہ ادا کرنے کے لیے انہیں "چیئرمین ماؤ کے آبائی شہر" سے آئے ہوئے ڈاکٹرز کہہ کر ان کا شکریہ ادا کیا، جس کے بعد یہ نام مقبول ہو گیا۔
15 جون 2025 کو، حونان کی ایک میڈیکل ٹیم، مفت طبی سہولیات کی فراہمی کے لیے شو گوانگ گاؤں آئی، انہوں نے عدیلہ کی آنکھوں کے قرنیہ کی انتہائی پیچیدہ صورتِ حال کی تشخیص کی جس کی فوری پیوند کاری درکار تھی۔ حکام نے عدیلہ کو ایئر آئی ہسپتال میں قرنیہ کی پیوند کاری کے خیراتی پروگرام میں شامل کر لیا۔ عدیلہ 29 جون کو چھانگ شا گئی جہاں 2 جولائی کو اس کی آنکھوں کی سرجری ہوئی اور اب وہ کسی بھی دقت کے بغیر اپنی تعلیم کے حصول میں مصروف ہے۔
چین کے سنکیانگ ویغور خود اختیارعلاقے کے شہر تورپان کے، تورپان پیپلز ہسپتال میں صوبہ حونان کی جانب سے چلائے جانے والے ٹیم بیسڈ میڈیکل ایڈ پروگرام کے آغاز کے موقع پر منعقدہ تقریب میں تربیت حاصل کرنے والے ڈاکٹرز اپنے اساتذہ کو پھول پیش کر رہے ہیں۔(تصویر بشکریہ تورپان انٹیگریٹڈ میڈیا سینٹر-ملی گولی)
حونان کی میڈیکل ٹیمز نے 200 سے زیادہ نئی تکنیکیں اور پروگرامز متعارف کروائے، مریضوں کے 41,000 سے زیادہ وزٹس کا احاطہ کیا اور مینٹور شپ پروگرام کے ذریعے مقامی ڈاکٹرز کو تربیت دی۔ ہسپتال نے حونان کی امدادی ٹیمز کی معاونت سے، قومی سطح کے چار مراکز اور خود مختار خطے کی سطح پر جنرل سرجری اور گائنا کالوجی سمیت چار کلیدی سپیشل سینٹرز قائم کیے۔
صوبہ حونان نے 1998 سے اب تک تورپان میں، 10 گروپس کی صورت میں 477 طبی ماہرین بھیجے ہیں اور ایک ایسی میڈیکل ٹیم تشکیل دی ہے جو مقامی لوگوں کو بروقت خدمات فراہم کرتی ہے۔
