چینی وزارت دفاع کے ترجمان ژانگ شیاؤگانگ نے شنگریلا ڈائیلاگ کے دوران امریکی وزیر دفاع کی جانب سے چین کے خلاف منفی بیانات کے حوالے سے کہا کہ "امریکہ شنگریلا ڈائیلاگ کا فائدہ اٹھا کر تنازعات پیدا کرنے، تصادم کو بھڑکانے اور ذاتی مفادات حاصل کرنے کا عادی ہے۔ امریکی وزیر دفاع کے بیانات میں بالادستی کی منطق، دھونس جمانے کی روش اور سرد جنگ کی سوچ بھری ہوئی ہے، جو چین کی خودمختاری اور حقوق کی سنگین حد تک توہین ہے، چین کی پالیسیوں اور موقف کو مسخ کرتی ہے، خطے کے ممالک کی مشترکہ خوشحالی اور استحکام کے لیے اجتماعی کوششوں کو سنگین حد تک نظرانداز کرتی ہے، اور دنیا بھر کے ممالک کی امن اور ترقی کی مشترکہ خواہش سے مکمل طور پر متصادم ہے۔ ہم اس پر سخت ناراضگی اور مکمل مخالفت کا اظہار کرتے ہیں۔
چین ہمیشہ سے ایشیا پیسیفک خطے میں امن اور ترقی کا محافظ اور معمار رہا ہے۔ چینی فوج خطے کے ممالک کے ساتھ مل کر ایشیا پیسیفک کو نقصان پہنچانے، جغرافیائی تصادم کو خطے میں لانے، اور کسی بھی ملک یا طاقت کی جانب سے یہاں جنگ اور انتشار پیدا کرنے کی کوششوں کے خلاف مشترکہ طور پر مزاحمت کرے گی۔ ہم انسانی ہم نصیب معاشرے اور "تین عالمی اقدامات" کو فعال طور پر نافذ کرتے ہوئے ایشیا پیسیفک کے دیرپا امن، خوشحالی اور استحکام کے لیے اجتماعی طور پر کام کریں گے۔"
