یوم فتح کی پریڈ سے پہلے ، بیجنگ پھولوں کی دلکش آرائش سے سج گیا

28 اگست 2025 (پیپلز ڈیلی آن لائن)بیجنگ کے مرکزی علاقے ،تیان آن مین سکوائر اور چانگ آن ایونیو پر ستمبر میں ہونے والی چین کے "یومِ فتح " کی فوجی پریڈ سے پہلے ،پھولوں کی آرائش کا کام مکمل ہو چکا ہے۔

بیجنگ میونسپل فارسٹڑی اینڈ پارکس بیورو کے مطابق، پھولوں کی آرائش میں پودوں کی 100 سے زائد اقسام کی مدد سے 10 بڑی موضوعاتی آرائشیں تیار کی گئی ہیں ۔ان موضوعات میں تاریخ کو یاد رکھنا، شہداء کی عزت ، امن کی قدر اور خوبصورت مستقبل تشکیل دینا شامل ہیں۔

جاپانی جارحیت کے خلاف چینی عوام کی مزاحمتی جنگ کے 80 سال مکمل ہونے کے موقعے پر 3 ستمبر کو اسی مقام پر فوجی پریڈ منعقد ہوگی ۔یہ آرائشیں پریڈ کے بعد بھی یہیں پر ہوں گی اور اکتوبر 2025 کی قومی تعطیلات تک نمائش پر رہیں گی۔