9 دسمبر کو، کمیونسٹ پارٹی آف چائنا کی سنٹرل کمیٹی کےسیاسی بیورو کے رکن، چین کے نائب وزیر اعظم حہ لی فینگ نے بیجنگ میں امریکہ کے کوہن گروپ کے سینئر مشیر جوزف ایلن سے ملاقات کی۔
حہ لی فینگ نے کہا کہ رواں سال کے آغاز سے، چین اور امریکہ کے دونوں رہنماؤں نے متعدد بار فون پر بات چیت کی ہے اور جنوبی کوریا میں کامیاب ملاقات بھی کی ہے، جس کے نتیجے میں اہم معاہدے طے پائے ہیں۔فریقین کو دونوں ممالک کے رہنماؤں کی حکمت عملی کی رہنمائی میں، صحیح سمت پر قائم رہتے ہوئے باہمی تعاون کے مثبت رجحان کو برقرار رکھتے ہوئے، تعاون کو مزید بڑھانا اور اختلافات کو کم کرنا چاہیے۔چین جلد ہی 'پندرھویں پانچ سالہ منصوبہ' کا آغاز کرنے جارہا ہے اور اپنے اعلی سطح کے کھلے پن کو فروغ دے رہا ہے، چین امریکی کمپنیوں کی جانب سے چین میں سرمایہ کاری اور کاروبار کا خیر مقدم کرے گا،اور چین-امریکہ اقتصادی و تجارتی تعلقات کو مستحکم، صحت مند اور پائیدار ترقی کیلئے کوشاں رہے گا۔
ایلن نے دونوں ممالک کے رہنماؤں کی ملاقات کے نتائج کو سراہا، اور پل کا کردار ادا کرتے ہوئے امریکہ اور چین کے اقتصادی و تجارتی تعاون کو گہرا کرنے کے لیے مسلسل کوششیں جاری رکھنے کے عزم کا اظہار کیا۔
