25 دسمبر کو ، سی پی سی کی مرکزی کمیٹی کے جنرل سیکریٹری شی جن پھنگ کی صدارت میں ، کمیونسٹ پارٹی آف چائنا کی مرکزی کمیٹی کے سیاسی بیورو کا اجلاس منعقد ہوا۔اجلاس میں سینٹرل ڈسپلن انسپکشن کمیشن اور نیشنل سپرویژن کمیشن کے کام کی رپورٹ سنی گئی نیز 2026 میں پارٹی کے طرز عمل اور بدعنوانی کے خلاف کام کرنے کی منصوبہ بندی پر بات چیت کی گئی ۔
اجلاس میں بتایا گیا کہ 2025 میں،سینٹرل ڈسپلن انسپکشن کمیشن سمیت تمام سطحوں پر نگرانی کرنے والے اداروں نے شی جن پھنگ کے نئے دور کے سوشلسٹ نظریات کے مطابق کام کیا، پارٹی کے طرز عمل کی تشکیل اور بدعنوانی کے خلاف کام کیا نیز نظم وضبط اور نگرانی کے کام میں نئی پیش رفت اور نتائج حاصل کیے۔ اجلاس میں اس بات پر زور دیا گیا کہ 2026 میں، تمام سطحوں پر ڈسپلن انسپکشن اور نگرانی کے ادارے مزید ٹھوس اقدامات اپناتے ہوئے پارٹی کی سخت نگرانی کو مزید فروغ دیں گے تاکہ "پندرہویں پانچ سالہ منصوبے" کے دوران اقتصادی وسماجی ترقی کو یقینی بنایا جا سکے۔
اس سے قبل، شی جن پھنگ نے سی پی سی کی مرکزی کمیٹی کے سیاسی بیورو کی سٹینڈنگ کمیٹی کے اجلاس کی صدارت کی، جس میں اس بات پر اتفاق کیا گیا کہ بیسویں سینٹرل ڈسپلن انسپکشن کمیشن کا پانچواں کل رکنی اجلاس اگلے سال 12 سے 14 جنوری تک منعقد کیا جائے گا۔
