تئیس جنوری کو چینی صدر شی جن پھنگ نے برازیل کے صدر لوئز انا سیو لولا ڈا سلوا کے ساتھ ٹیلی فون پر بات چیت کی۔
شی جن پھنگ نے کہا کہ 2024 میں انہوں نے صدر ڈا سلوا کے ساتھ مشترکہ طور پر ،چین-برازیل تعلقات کو ایک مشترکہ مستقبل کے حامل معاشرے کی تشکیل کی جانب فروغ دیا جائے ، تاکہ ایک زیادہ منصفانہ دنیا تشکیل پائے اور زیادہ پائیدار ترقی کی جاسکے۔ گزشتہ سال کے دوران، چین -برازیل مشترکہ مستقبل کے حامل معاشرے کی تشکیل کی رفتار تیز اور مستحکم رہی جس سے باہمی ترقیاتی حکمت عملیوں کا مضبوط رابطہ قائم ہو چکا ہے، جس نے گلوبل ساؤتھ ممالک کے مابین یکجہتی اور تعاون کی ایک مثال قائم کی ہے۔ صدر شی نے کہا کہ رواں سال، چین کے پندرہویں پانچ سالہ منصوبے کے آغاز کا سال ہے۔ چین اعلیٰ سطحی کھلے پن کے ذریعے اعلیٰ معیار کی ترقی کو فروغ دے گا اور چین -براِزیل تعاون کے مزید مواقع فراہم کرے گا۔ انہوں نے کہا کہ چین مختلف شعبوں میں مفید باہمی تعاون کو جامع طور پر آگے بڑھانے، چین- برازیل تعلقات کی وسیع تر ترقی کو فروغ دینے اور ایک روشن مستقبل کے لیے برازیل کے ساتھ مل کر کام کرنے کا خواہاں ہے۔
لولا ڈا سلوا نے کہا کہ برازیل دو طرفہ تعلقات نیز لاطینی امریکا اور چین کے تعلقات کی ترقی کو مزید فروغ دینے کے لیے چین کے ساتھ مل کر کام کرنا چاہتا ہے۔ انہوں نے کہا کہ موجودہ بین الاقوامی صورتحال تشویشناک ہے۔ برازیل اقوام متحدہ کی مرکزی حیثیت کو برقرار رکھنے، برکس تعاون کو مضبوط بنانے اور علاقائی و عالمی امن و استحکام کے تحفظ کے لیے چین کے ساتھ مل کر کام کرنے کے لیے تیار ہے۔
