7 مارچ کو، سی پی سی سینٹرل کمیٹی کے جنرل سیکریٹری، چین کے صدر اور مرکزی فوجی کمیشن کے چیئرمین شی جن پھنگ نے چین کی 14ویں قومی عوامی کانگریس کے چوتھے اجلاس میں پیپلز لبریشن آرمی اور مسلح پولیس فورس کے وفود کے کل رکنی اجلاس میں اس بات پر زور دیا کہ 15 ویں پانچ سالہ منصوبے کے دوران ہمیں شیڈول کے مطابق افواج کے قیام کے صد سالہ اہداف کی تکمیل کرتے ہوئے قومی دفاع اور مسلح افواج کو اعلیٰ معیار کے ساتھ جدید بنانا ہوگا اور اس سلسلے میں ہم مسلح افواج پر پارٹی کی مکمل قیادت کو ثابت قدمی کے ساتھ قائم رکھیں گے اوراسے مضبوط بنائیں گے، سیاسی نظریات کے ذریعے افواج کی تعمیر میں اپنی منفرد برتریوں کو بروے کار لاتے ہوئے قومی دفاع اور مسلح افواج کو مستحکم اور پائیدار طریقے سے جدید بنائیں گے۔ شی جن پھنگ نے نشاندہی کی کہ افواج کو بدعنوانی کے خلاف جنگ کو مضبوطی سے آگے بڑھانا چاہیے۔ ہمیں فنڈ کے بہاؤ، پاور آپریشن اور کوالٹی کنٹرول جیسے اہم پہلوؤں پر کڑی نظر رکھنی چاہیے تاکہ ہر ایک پیسہ مؤثر طریقے سے استعمال ہو۔ شی جن پھنگ نے اس بات پر زور دیا کہ باصلاحیت افراد کی ترقی کے لیے نظام اور حالات کو بہتر بنانا ضروری ہے اور مشترکہ کارروائیوں کے لیے عملے کی منظم تربیت، نئی قسم کی جنگی قوتوں، اعلیٰ سائنسی و تکنیکی جدت اور اعلیٰ حکمت عملی کو منظم کرنے کی ضرورت پر زور دیا تاکہ انسانی صلاحیتوں اور فوج کی مضبوطی کے عملی تقاضوں کے مابین ہم آہنگی پیدا کی جا سکے۔
