تائیوان انتظامیہ کی جانب سے تنظیم "چینی ثقافت کی جنرل ایسوسی ایشن" کے نام میں لفظ "چینی" کو ہٹانے کے حوالے سے چین کی ریاستی کونسل کے تائیوان امور کے دفتر کے ترجمان چھن بن حوا نے 18 مارچ کو ایک پریس کانفرنس میں نشاندہی کی کہ یہ اقدام ڈی پی پی انتظامیہ کی جانب سے ثقافتی میدان میں " چینی عناصر کے خاتمے" کی ایک ڈرامائی کوشش ہے، جس کا مقصد یہ غلط تاثر پیدا کرنا ہے کہ "تائیوان کی ثقافت چینی ثقافت سے آزاد ہے" اور اس کا مقصد "تائیوان کی علیحدگی" کی تکمیل کے لئے راستہ ہموار کرنا ہے۔ ترجمان نے کہا کہ چینی ثقافت نہایت مضبوط ہے، اور قومی ثقافت کو دھوکہ دینے یا ملک کو ثقافتی طور پر تقسیم کرنے کی کوئی بھی کوشش ناکامی سے دوچار ہوگی۔ تائیوان کے ہم وطنوں کی اکثریت کے لیے چینی ثقافت ان کی روح، ان کی جڑ اور روزمرہ کی زندگی کا اہم حصہ ہے۔ ڈی پی پی انتظامیہ کی جانب سے تائیوان جزیرے میں "ڈی-سینیکائزیشن" کو فروغ دینے کی کوششیں بالآخر ناکام ہوں گی۔
