یو رونگ پارک کا منظر۔ (پیپلز ڈیلی/لے شینگ)
27 مارچ (پیپلز ڈیلی آن لائن)اوپر سے دیکھا جائے تو، شیونگ آن نیو ایریا کے اسٹارٹ اپ زون میں مرکزی سبز وادی 500 ہیکٹر پر پھیلی ہوئی ایک سبز شریان کی مانِند ہے، جو عمارتوں کے مجموعوں کو ایک مربوط اکائی میں منسلک کرتی ہے۔
چائنہ شیونگ آن گروپ کے تحت ماحولیاتی تعمیراتی کمپنی کی ڈپٹی جنرل منیجر وو فانگ فانگ نے کہا کہ،"پانچ سال پہلے، یہ بڑی حد تک غیر ترقی یافتہ زمین تھی۔ آج جہاں تک نظر جاتی ہے،یہ سرسبز و شاداب ہے۔"
شمال سے جنوب تک تقریباً 7 کلومیٹر تک پھیلی ہوئی مرکزی سبز وادی، جو شمالی جنگلات کی پٹی کو بائیانگڈیان جھیل سے منسلک کرتی ہے اور مشرق سے مغرب تک تقریباً 3.2 کلومیٹر پر پھیلی ہوئی ہے، اسٹارٹ اپ زون کا بنیادی ماحولیاتی ڈھانچہ تشکیل دیتی ہے۔
اس کے ڈیزائن میں ایک راہداری فعال علاقوں کو منسلک کرتی ہے، دو وادیاں گھنی اور کھلی جگہوں کا ہم آہنگ امتزاج تخلیق کرتی ہیں جو شہر کو اس کی آبی گزرگاہوں کے ساتھ ضم کرتی ہیں، تین منظر کش جھیلیں، اور 18 منفرد انداز میں ڈیزائن کیے گئے پارک شامل ہیں جو متنوع تفریحی ضروریات کو پورا کرتے ہیں۔
سبز ترقی شیونگ آن نیو ایریا کی ایک واضح ماحولیاتی خصوصیت ہے۔ قیام کے بعد سے، اس علاقے نے ماحولیاتی تحفظ کو ترجیح دینے اور سبز ترقی کو آگے بڑھانے کے اصول پر عمل کیا ہے۔ 'ہزار سالہ جنگلاتی منصوبہ' اور بائیانگڈین جھیل کی ماحولیاتی بحالی جیسے اقدامات نے ایک ماحولیاتی بنیاد قائم کی ہے جس کے تحت نیلی سبز جگہیں اس علاقے کے کل رقبے کا 70 فیصد ہوں گی۔
داچنگ دریا کا جنگلاتی علاقہ 'ہزار سالہ جنگلاتی منصوبے' کا نقطہ آغاز تھا۔ پہلا پودا لگانے کے تقریباً نو سال بعد، سبز جگہیں پورے علاقے میں مسلسل پھیل چکی ہیں، جو ایک گھنی ماحولیاتی رکاوٹ تشکیل دیتی ہیں، جیسے ایک کِھلتا ہوئا زمرد کا ہار۔
مخلوط انواع، کثیر الجہت ساخت، اور مختلف عمروں کے درختوں کو یکجا کرنے والے قریب قدرتی جنگلاتی ماڈل کا استعمال کرتے ہوئے، شیونگ آن نے 32,200 ہیکٹر پر شجرکاری مکمل کی ہے۔ کل جنگلاتی رقبہ 49,533 ہیکٹر تک پہنچ گیا ہے، جس میں جنگلات کا احاطہ اس علاقے کے قیام سے پہلے 11 فیصد سے بڑھ کر آج 35.1 فیصد ہو گیا ہے۔
حیاتیاتی تنوع کی پیمائشیں ماحولیاتی کامیابی کی تصدیق کرتی ہیں: 2025 کے بعد سے پرندوں کی انواع 90 سے بڑھ کر 296 ہو گئی ہیں، جس میں پہلی بار ریکارڈ شدہ ایسٹرن کراؤنڈ واربلرز اور عالمی سطح پر خطرے سے دوچار بیئرز پوچارڈ کی مستحکم آبادیاں شامل ہیں۔ ماحولیاتی اشاروں کے طور پر، یہ انواع ماحولیاتی نظام کی بحالی کی توثیق کرتی ہیں۔
شہری رہائش کو بڑھانے کے لیے پیداوار، رہائش اور ماحولیاتی جگہوں میں توازن قائم کرنا چین کی شہری ترقی کا ایک اہم مقصد ہے۔ رہائش پذیری کا مطلب محض مناسب گھر سے بڑھ کر ہے؛ اس کے لیے قابلِ رسائی، اعلیٰ معیار کے قدرتی ماحول کی ضرورت ہے۔
شیونگ آن نیو ایریا میں، رہائشی اپنی کھڑکیوں سے سبز مناظر سے لطف اندوز ہوتے ہیں اور اپنے گھروں سے منٹوں میں ایک پارک تک پہنچ سکتے ہیں۔ 160 ہیکٹر پر محیط، یوئرونگ پارک روایتی چینی جمالیات کا مجسم ہے، جو شیونگ آن کے جنوب-شمالی مرکزی محور کے ساتھ ایک لمبی، کُھلتی ہوئی زمینی تزئین کی پینٹنگ کی طرح پھیلا ہوا ہے۔
شیونگ آن پلاننگ انسٹی ٹیوٹ کے چیف انجینئر، جانگ لی وئے نے کہا، "ایک اچھا ڈیزائن کردہ پارک شہر میں ضم اور قابل رسائی محسوس ہونا چاہیے،" انہوں نے مزید کہا کہ "پہلے ہریالی، پھر شہر کی تعمیر" ایک رہنما اصول ہے۔ ابتدا سے، ماحولیاتی منصوبہ بندی نے نیلی سبز جگہوں کو ترجیح دی۔ پارکوں کے مقامات کا تعین پہلے کیا گیا، جن کے ارد گرد سڑکوں اور زمین کے استعمال کی منصوبہ بندی کی گئی۔ مرکزی سبز وادی پارک میں، سرحدیں شہری سڑکوں کے ساتھ بغیر کسی رکاوٹ کے ضم ہو جاتی ہیں، جس سے جگہوں کے درمیان آزادانہ نقل و حرکت ممکن ہوتی ہے۔
شیونگ آن نیو ایریا کے شیونگ ڈونگ زون میں موجود ایک 110kV ٹرانسفارمر سب اسٹیشن۔ (تصویر/یانگ جون فینگ)
اسٹارٹ اپ ایریا اور دیگر کلیدی زونز جیسے کہ ابتدائی ترقیاتی علاقے کے پانچویں جھرمٹ، رونگ ڈونگ، رونگ شی، زانگ گانگ، اور شیونگ ڈونگ میں 20 سے زائد شہری پارکوں کی منصوبہ بندی اور تعمیر کی گئی ہے، جو کل تقریباً 4,400 ہیکٹر پر محیط ہیں۔ شیونگ آن شہری ترقی کے لیے قدرت کو بنیاد بنا کر ایک نیا نمونہ پیش کر رہا ہے۔
جانگ کے مطابق، شیونگ آن کے مقیم تین کلومیٹر کے اندر ایک جنگلاتی علاقے تک، ایک کلومیٹر کے اندر جنگل کی پٹی تک، اور 300 میٹر کے اندر کمیونٹی پارک تک پہنچ سکتے ہیں چونکہ تفریحی سبز جگہیں شہر بھر میں بُنی ہوئی ہیں ۔
دریں اثنا، پارکوں کو تیزی سے کثیر المقاصد سہولیات، بھرپور ثقافتی پیشکشوں، اور باریکی میں لوگوں پر مرکوز ڈیزائن کے ساتھ مزید بہتر بنایا جا رہا ہے۔
نیلی اور سبز جگہوں کو مسلسل پھیلا کر اور ضم کر کے، لوگوں اور قدرت کے درمیان ہم آہنگی کو پروان چڑھا کر، اور نئے شہر کو بائیانگڈیان جھیل کے ساتھ مربوط کر کے، شیونگ آن نیو ایریا ے منصوبہ ساز اور معمار ماحولیاتی نقطہ نظر کے ساتھ ایک جدید شہر کے لیے ایک روشن، سبز بنیاد رکھ رہے ہیں۔
