مقامی وقت کے مطابق 29 مارچ کی شام ، پاکستانی نائب وزیر اعظم اور وزیر خارجہ اسحاق ڈار نے ایک بیان جاری کیا جس میں کہا گیا کہ پاکستانی رہنما امریکی رہنماؤں کے ساتھ تنازع کے پرامن حل کے حوالے سے رابطے میں ہیں اور امریکہ اور ایران دونوں نے مذاکرات میں ثالثی کے لیے پاکستان پر اعتماد کا اظہار کیا ہے۔
اس بیان میں اس روز پاکستان، ترکیہ، مصر اور سعودی عرب کے وزرائے خارجہ کے مذاکرات کے نتائج کے حوالے سے بھی معلومات دی گئیں ۔ یہ بتایا گیا کہ چاروں ممالک نے اپنے وزرائے خارجہ پر مشتمل ایک کمیٹی قائم کرنے کا فیصلہ کیا ہے جو اس تنازع کے ٹھوس حل کے لیے ٹھوس منصوبہ تشکیل دے گی۔
بیان میں یہ بھی کہا گیا ہے کہ چاروں ممالک کے وزرائے خارجہ نے اس بات پر زور دیا کہ تمام ممالک کے متحد ہو کر صورتحال کو بگڑنے سے روکنے، فوجی کشیدگی میں اضافے کے خطرے کو کم کرنے اور متعلقہ فریقین کے لیے مذاکرات کے مواقع پیدا کرنے کی ضرورت ہے۔ چاروں ممالک کے وزرائے خارجہ کا خیال ہے کہ مکالمہ اور سفارت کاری تنازعات کو روکنے اور علاقائی امن و ہم آہنگی کو فروغ دینے کا واحد عملی راستہ ہے۔ تمام متعلقہ فریقین سے مطالبہ کیا گیا کہ وہ اقوام متحدہ کے چارٹر کے اصولوں کو برقرار رکھیں، جس میں تمام ممالک کی خودمختاری اور علاقائی سالمیت کا احترام بھی شامل ہے۔
یاد رہے کہ پاکستانی وزیر خارجہ اسحاق ڈار نے 26 مارچ کو کہا تھا کہ امریکہ اور ایران کے درمیان بالواسطہ مذاکرات پاکستان کے ذریعے ہو رہے ہیں۔
