29 اپریل کو ،چین کے نائب صدر ہان ژینگ نے بیجنگ میں اقوام متحدہ کی 80ویں جنرل اسمبلی کی صدر انالینا بیئربوک اور آسٹریلیا کی وزیرِ خارجہ پینی وونگ سے الگ الگ ملاقاتیں کیں۔
انالینا بیئربوک سے ملاقات کے دوران ہان ژینگ نے کہا کہ گزشتہ سال ستمبر میں صدر شی جن پھنگ نے گلوبل گورننس انیشی ایٹو پیش کیا، جس میں اقوام متحدہ کی حیثیت اور مرکزی کردار کے تحفظ کا واضح پیغام دیا گیا۔ انہوں نے کہا کہ چین اس انیشی ایٹو پر عمل درآمد کو موقع بناتے ہوئے اقوام متحدہ کے ساتھ تعاون کو مزید گہرا کرے گا اور حقیقی کثیرالجہتی نظام، ترقی کو ترجیح دینے اور جدت کے اصولوں کی حمایت جاری رکھے گا، تاکہ عالمی امن و سلامتی اور ترقی کو فروغ دیا جا سکے۔
پینی وونگ سے ملاقات میں ہان ژینگ نے کہا کہ حالیہ برسوں میں صدر شی جن پھنگ اور آسٹریلیا کے وزیرِ اعظم انتھونی البانیز کے درمیان متعدد ملاقاتیں ہوئیں، جن میں اہم اتفاقِ رائے طے پایا اور چین۔آسٹریلیا تعلقات کو آگے بڑھانے کے لیے اسٹریٹجک رہنمائی فراہم کی گئی۔ انہوں نے کہا کہ چین آسٹریلیا کے ساتھ مل کر دونوں ممالک کے رہنماؤں کے اتفاقِ رائے پر عمل درآمد جاری رکھنا چاہتا ہے، تعلقات کی درست سمت کو برقرار رکھتے ہوئے ترقیاتی حکمت عملیوں میں ہم آہنگی پیدا کرنے، مکالمے کو فروغ دینے اور ایک مستحکم و نتیجہ خیز جامع اسٹریٹجک شراکت داری کو مزید مضبوط بنانا چاہتا ہے۔
