6 مئی کو کمیونسٹ پارٹی آف چائنا کی مرکزی کمیٹی کے سیاسی بیورو کے رکن اور چینی وزیرِ خارجہ وانگ ای نے بیجنگ میں دورۂ چین پر آئے بنگلہ دیش کے وزیرِ خارجہ خلیل الرحمان سے ملاقات کی ۔
وانگ ای نے کہا کہ چین اور بنگلہ دیش اچھے ہمسایہ اور اچھے شراکت دار ہیں۔ چین بنگلہ دیش کی آزادی، خودمختاری اور قومی وقار کا احترام کرتا ہے، بنگلہ دیشی عوام کے منتخب کردہ ترقیاتی راستے اور سیاسی نظام کی حمایت کرتا ہے، اور بنگلہ دیش کی آزاد خارجہ پالیسی کو سراہتا ہے۔
انہوں نے کہا کہ چین بنگلہ دیش کے ساتھ روایتی دوستی کو مزید آگے بڑھانے اور ملک کے ترقیاتی سفر میں سب سے قابلِ اعتماد شراکت دار بننے کا خواہاں ہے۔
بنگلہ دیشی وزیرِ خارجہ خلیل الرحمان نے کہا کہ چین ہمیشہ سے بنگلہ دیش کا ایک قابلِ اعتماد اور ناگزیر دوست و شراکت دار رہا ہے۔ انہوں نے کہا کہ بنگلہ دیش کی نئی حکومت چین کے ساتھ تعلقات کو بہت اہمیت دیتی ہے اور تائیوان کے معاملے پر مضبوطی سے چین کے ساتھ کھڑی ہے، اور چین کی قومی وحدت کی حمایت کرتی ہے۔
