یکم جون کو ، چھیوشی میگزین کے گیارہویں شمارے میں، سی پی سی کی مرکزی کمیٹی کے جنرل سیکریٹری ، عوامی جمہوریہ چین کے صدر اور مرکزی فوجی کمیشن کے چیئرمین شی جن پھنگ کا، "مستقبل کی صنعتوں کی منصوبہ بندی اور ترقیاتی حکمت عملی" کے عنوان سے ایک اہم مضمون شائع ہوا۔
مضمون میں نشاندہی کی گئی ہے کہ سی پی سی کی مرکزی کمیٹی ، مستقبل کی صنعتوں کی ترقی، سٹریٹجک منصوبہ بندی اور پالیسی سپورٹ کو مضبوط بنانے کو انتہائی اہمیت دیتی ہے، جس کی وجہ سے مستقبل کی صنعتوں کی ترقی میں عمدہ رجحان دیکھنے میں آیا ہے۔ نئے دور میں ہمیں ایک مضبوط قوم کی تعمیر اور چینی قوم کی عظیم نشاۃ ثانیہ کو آگے بڑھانے کی حکمت عملی کو مستحکم کرنا چاہیے، اور اپنے ملک کی مستقبل کی صنعتوں کی ترقی میں نئی کامیابیوں کو فروغ دینا چاہیے۔
مضمون میں کہا گیا ہے کہ مجموعی منصوبہ بندی کو مضبوط بنانا ضروری ہے۔ ٹیکنالوجی میں جدت کو رہنما اصول بنایا جائے، کاروباری اداروں کے مرکزی کردار کو اجاگر کیا جائے، موافق پالیسی ماحول قائم کیا جائے، اور گورننس سسٹم کو مضبوط بنایا جائے۔ تمام سطحوں کے قائدین اور اہلکاروں کو چاہیے کہ وہ جدید ٹیکنالوجی کے علم میں اضافہ کریں، اپنی پیشہ ورانہ صلاحیتوں کو بہتر بنائیں اور کوشش کریں کہ وہ ٹیکنالوجی کو سمجھیں، صنعت کی سمجھ بوجھ رکھیں اور دانشمندانہ فیصلے کریں۔
