6 جولائی کو منعقد ہونے والی 2026 عالمی روبوٹ کانفرنس کی پریس کانفرنس میں بتایا گیا کہ رواں سال جنوری سے مئی تک چین کی روبوٹ سازی کے شعبے میں بڑی کمپنیوں کی مجموعی آمدنی 90 ارب یوآن سے تجاوز کر گئی، جو گزشتہ سال کے مقابلے میں 26.9 فیصد زیادہ ہے۔
چین مسلسل 13 برسوں سے دنیا کی سب سے بڑی صنعتی روبوٹ مارکیٹ ہے، اور ملک میں تیار کردہ صنعتی روبوٹس کا مارکیٹ میں حصہ 50 فیصد سے زیادہ ہے۔
چائنا الیکٹرونکس سوسائٹی کی چیئرپرسن شو شیاؤ لان نے بتایا کہ چین میں ہیومنائیڈ روبوٹس کے شعبے میں میٹریل، بنیادی اجزاء، مکمل مشین انٹیگریشن، سیناریو آپریشن، اور ڈیٹا سروسز تک کی پوری صنعتی چین موجود ہے۔ 2026 کی پہلی سہ ماہی کے اعداد و شمار کے مطابق چین کے ہیومنائیڈ روبوٹس کی برآمدات گزشتہ سال کی نسبت 210 فیصد بڑھ گئی ہیں، جو چین کی اعلیٰ معیار کی صنعتی مصنوعات کی برآمدات میں ایک نئی پہچان بن رہی ہیں۔
