چینی حکومت کی جانب سے وینزویلا کو بھیجے جانے والے ہنگامی امدادی سامان کی پہلی کھیپ 6 تاریخ کو وینزویلا کے دارالحکومت کراکس پہنچ گئی۔
امدادی سامان کی پہلی کھیپ کا مجموعی وزن 80 ٹن سے زیادہ ہے، جس میں 20 جنریٹرز، 8 صاف پانی فراہم کرنے والی گاڑیاں، 200 جراثیم کش آلات، 200 سولر لائٹنگ سیٹس، تقریباً 1700 خیمے اور 6700 کمبل شامل ہیں۔ یہ سامان متاثرہ علاقوں میں ہنگامی امدادی کارروائیوں اور متاثرہ افراد کی عارضی رہائش کے انتظام میں مدد کے لیے استعمال کیا جائے گا۔
وینزویلا کے وزیر خارجہ یوان گیل پینٹو اور وینزویلا میں چینی سفیر لان حو نے سامان کی حوالگی کی تقریب میں شرکت کی۔ وینزویلا کی جانب سے کہا گیا کہ وہ مشکل وقت میں مدد کا ہاتھ بڑھانے پر چینی حکومت اور عوام کے شکر گزار ہیں۔ چین کی فراہم کردہ امدادی اشیاء موجودہ امدادی سرگرمیوں اور زلزلے کے بعد بحالی کے عمل کے لیے اہم معاونت فراہم کریں گی۔
مقامی وقت کے مطابق 6 تاریخ کو وینزویلا کی قومی اسمبلی کے صدر جارج روڈریگس نے سوشل میڈیا کے ذریعے اطلاع دی کہ حالیہ دنوں آنے والے دو شدید زلزلوں کے نتیجے میں اب تک 3535افراد جاں بحق اور 16740 زخمی ہو چکے ہیں، اور اب تک1048آفٹر شاکس ریکارڈ کیے جا چکے ہیں۔
