چین کے اسلحہ تخفیف امور کے سفیر لی چھی جیانگ نے 11 تاریخ کو جنیوا میں اسلحہ تخفیف کانفرنس کے اجلاس سے خطاب کرتے ہوئے " بیلسٹک میزائل تجربات کی پیشگی اطلاع" سے متعلق امریکہ کے نام نہاد مشترکہ بیان میں چین کے خلاف کیے گئے دعوے کو سختی سے مسترد کر دیا۔
لی چھی جیانگ نے کہا کہ چین کی جائز اور معقول قومی دفاعی صلاحیتوں کی جدید تعمیر پر کسی کو سوال اٹھانے کا حق حاصل نہیں۔ انہوں نے زور دیا کہ چین کی جانب سے میزائل تجربات کی پیشگی اطلاع دینے کا اقدام ایک ذمہ دارانہ اور تعمیری عمل ہے، جسے جیو پولیٹیکل مفادات کے لیے استعمال نہیں کیا جانا چاہیے۔ انہوں نے کہا کہ چین ان ممالک کی سخت مخالفت کرتا ہے جو اسلحہ تخفیف کانفرنس کے پلیٹ فارم کو سیاسی مقاصد کے لیے استعمال کرتے ہیں۔ ان کے مطابق، امریکہ اپنے سیاسی مفادات کے لیے بعض ممالک، حتیٰ کہ کانفرنس کے غیر رکن ممالک کو بھی، مشترکہ بیان میں شامل ہونے پر آمادہ کیا اور چین کی جانب سے میزائل تجربات کی پیشگی اطلاع کے مثبت اقدام کو بلاجواز تنقید اور شکوک کا نشانہ بنایا۔لی چھی جیانگ نے اس طرزِ عمل کو "مائیکروفون ڈپلومیسی"، سیاسی کھیل اور کھلے دوہرے معیار سے تعبیر کرتے ہوئے کہا کہ چین اسے کسی صورت قبول نہیں کرتا اور اس کی سخت مخالفت کرتا ہے۔
