چائنا ایسوسی ایشن آف آٹوموبائل مینوفیکچررز کے تازہ ترین اعداد و شمار کے مطابق، رواں سال جنوری سے ستمبر تک چین سے 82 لاکھ 5 ہزار گاڑیاں برآمد کی گئیں، جو گزشتہ سال کی اسی مدت کے مقابلے میں 65.8 فیصد زیادہ ہیں۔ توقع ہے کہ رواں سال چین کی گاڑیوں کی مجموعی برآمدات ایک کروڑ سے تجاوز کر جائیں گی۔برآمدات کے حجم میں اضافے کے ساتھ ساتھ چینی گاڑیوں کی عالمی منڈیوں تک رسائی بھی وسیع ہو رہی ہے۔ یورپ، جنوبی امریکہ، جنوب مشرقی ایشیا اور مشرقِ وسطیٰ چینی گاڑیوں کی اہم برآمدی منڈیاں بن چکے ہیں۔ اس دوران نئی توانائی سے چلنے والی گاڑیاں بھی چین کی گاڑیوں کی برآمدات میں اضافے کا اہم محرک ثابت ہوئی ہیں۔
رواں سال جنوری سے ستمبر تک چین سے نئی توانائی کی 40 لاکھ 6 ہزار گاڑیاں برآمد کی گئیں، جو گزشتہ سال کی اسی مدت کے مقابلے میں تقریباً 1.3 گنا زیادہ ہیں۔ جون سے ستمبر تک مسلسل چار ماہ نئی توانائی کی گاڑیوں کا حصہ چین کی مجموعی گاڑیوں کی برآمدات میں 50 فیصد سے زیادہ رہا۔
