چائنا فیڈریشن آف لاجسٹکس اینڈ پرچیزنگ نے اٹھائیس اگست کو اس سال کے پہلے سات مہینوں کے لئے لاجسٹک آپریشن کے اعداد و شمار جاری کیے۔ جنوری سے جولائی تک ، چین کا لاجسٹک آپریشن مسلسل ترقی کرتا رہا ، جس میں سماجی لاجسٹکس کی کل رقم 200 ٹریلین یوآن سے تجاوز کرگئی ۔ اعلی درجے کی مینوفیکچرنگ ، سبز اور کم کاربن سمیت دیگر شعبوں میں لاجسٹکس کی مانگ میں زبردست اضافہ ہوا۔
جنوری سے جولائی تک چین کی سوشل لاجسٹکس کی مجموعی رقم 201.9 ٹریلین یوآن رہی جو سال بہ سال 5.2 فیصد کا اضافہ ہے۔ جبکہ صنعتی مصنوعات کی مجموعی لاجسٹکس میں پچھلے سال کی اسی مدت کے مقابلے میں 5.7 فیصد اضافہ ہوا۔ صنعتی لاجسٹکس کی ترقی کا رجحان مستحکم رہا ۔ 35 صنعتوں کی لاجسٹکس کی طلب میں سال بہ سال اضافہ اور اعلی درجے کی مینوفیکچرنگ کی لاجسٹکس کی طلب میں تیزی سے اضافہ ہوا ہے۔
