سائنس اینڈ ٹیکنالوجی ڈیلی کی چالیسویں سالگرہ کے موقع پر، سی پی سی کی مرکزی کمیٹی کے جنرل سیکریٹری، عوامی جمہوریہ چین کے صدر اور مرکزی فوجی کمیشن کے چیئرمین شی جن پھنگ نے اخبار کےعملے کے تمام ارکان کے نام ایک تہنیتی خط ارسال کیا۔
اپنے خط میں شی جن پھنگ نے کہا کہ گزشتہ 40 سالوں میں سائنس اینڈ ٹیکنالوجی ڈیلی نے پارٹی اور ملک کے مرکزی امور کے مطابق پارٹی کے جدید نظریات کی ترویج ، سائنس اور ٹیکنالوجی کی پالیسیز کی تشریح، سائنسی وتکنیکی کامیابیوں کی رپورٹنگ اور سائنسی علم کو مقبول بنانے میں مثبت کردار ادا کیا ہے ۔
اپنے خط میں شی جن پھنگ نے اخبار کے عملے سے اس امید کا اظہار کیا کہ اس نئے نقطہ آغاز پر، وہ چین کی سائنسی و تکنیکی اختراع کی کہانی کو عمدگی سے بیان کرنے کی کوشش کریں گے اور اعلیٰ سطح کی سائنسی و تکنیکی خود انحصاری کے حصول نیز سائنس و ٹیکنالوجی میں ایک مضبوط قوم کی تشکیل کے لیے مزید حکمت اور قوت یکجا کریں گے۔
