مقامی وقت کے مطابق 3 فروری کو امریکی صدر ڈونلڈ ٹرمپ نے وائٹ ہاؤس میں حکومتی فنڈنگ بل پر دستخط کے موقع پر کہا کہ ایران کے ساتھ اس ہفتے مذاکرات جاری ہیں اور ایرانی فریق کارروائی کرنے کی خواہش رکھتا ہے۔ انہوں نے کہا کہ وہ یہ نہیں بتا سکتے کہ ایران کے ساتھ مذاکرات کہاں ہوں گے، مگر "ایران کے ساتھ ایک سے زیادہ ملاقاتیں ہوں گی۔" اسی دن ایرانی وزارت خارجہ کے ترجمان اسمعیل بقائی نے کہا کہ "مذاکرات کا منصوبہ تیار کر لیا گیا ہے اور توقع ہے کہ اگلے چند دنوں میں اس کا انعقاد ہو جائے گا۔ اس وقت مذاکرات کے لیے جگہ کا تعین کرنے کے لیے مشاورت جاری ہے ، جس کے بعد اس کا فوری اعلان کیا جائے گا۔
ادھر اسرائیلی وزیر اعظم بنجمن نیتن یاہو نے 3 تاریخ کو مشرق وسطیٰ کے دورے پر آئے ہوئے امریکی ایلچی اسٹیو وٹکوف سے ملاقات کی۔ اطلاعات کے مطابق بات چیت تین گھنٹے سے زیادہ جاری رہی۔ اسرائیلی وزیر اعظم کے دفتر نے ایک بیان جاری کیا، جس میں کہا گیا ہے کہ نیتن یاہو نے ملاقات کے دوران امریکہ سے کہا کہ "ایران نے بار بار اپنے آپ کو ناقابل اعتماد اور کسی بھی وعدے کو پورا کرنے سے قاصر ثابت کیا ہے۔" نیتن یاہو کا یہ بھی کہنا تھا کہ فلسطینی نیشنل اتھارٹی کسی بھی طرح غزہ کی پٹی کی حکمرانی میں حصہ نہیں لے گی۔ اسرائیل حماس کو غیر مسلح کرنے، غزہ کی پٹی کو غیر عسکری بنانے نیز تمام جنگی مقاصد کی تکمیل کے لیے ایک "غیر لچکدار موقف" رکھتا ہے۔ نیتن یاہو نے اس بات پر زور دیا کہ غزہ میں تعمیر نو کا کام مذکورہ بالا تمام اہداف کے حصول کے بعد ہی شروع ہو سکتا ہے۔
