مقامی وقت کے مطابق 9 اپریل کو لبنان کے وزیر اعظم نواف سلام نے اعلان کیا کہ اس دن ملک بھر میں یومِ سوگ منایا جائے گا، تاکہ اسرائیلی حملوں میں جاں بحق اور زخمی ہونے والے "بے گناہ شہریوں" کو خراجِ عقیدت پیش کیا جا سکے۔ انھوں نے زور دیا کہ وہ عرب ممالک کے رہنماؤں اور بین الاقوامی حکام کے ساتھ مشاورت جاری رکھیں گے اور لبنان کی سیاسی اور سفارتی طاقت کو بروئے کار لائیں گے تاکہ اسرائیلی حملوں کو روکا جا سکے۔
مقامی وقت کے مطابق 8 اپریل کو، لبنان کی سول ڈیفنس ایجنسی کی رپورٹ کے مطابق، اسرائیل نے اس دن لبنان کے مختلف حصوں میں بڑے پیمانے پر فضائی حملے کیے، جن کے نتیجے میں کم از کم 254 افراد ہلاک اور 1165 زخمی ہوئے۔ اقوام متحدہ کے سیکرٹری جنرل کے نائب ترجمان نے اسرائیل کی جانب سے لبنان پر نئے حملوں کے آغاز پر سخت ردِعمل دیتے ہوئے کہا کہ اقوام متحدہ لبنان کے مختلف علاقوں میں کیے گئے ان حملوں کی شدید مذمت کرتا ہے، جن کے نتیجے میں بڑی تعداد میں شہری ہلاک اور زخمی ہوئے۔ اقوام متحدہ نے تمام فریقوں سے مخاصمانہ اقدامات بند کرنے اور سیکیورٹی کونسل کی قرارداد نمبر 1701 کے مکمل نفاذ کے لیے دوبارہ پرعزم ہونے کا مطالبہ کیا ۔
