مقامی وقت کے مطابق 9 تاریخ کو ایران کی وزارتِ خارجہ نے ایک بیان میں کہا کہ ایران کے وزیرِ خارجہ عباس عراقچی نے اسی دن پاکستان کے آرمی چیف جنرل سید عاصم منیر سے ٹیلیفونک بات چیت کی ، جس میں دونوں رہنماؤں نے خطے کی تازہ صورتحال پر تبادلۂ خیال کیا۔
عباس عراقچی نے بات چیت میں امریکہ کی جانب سے ایران کے متعدد علاقوں پر جارحانہ حملوں کی سخت مذمت کی اور کہا کہ یہ حملے اقوامِ متحدہ کے چارٹر اور ایران-امریکہ مفاہمتی یادداشت کی متعلقہ شقوں کی کھلی خلاف ورزی ہیں۔انہوں نے کہا کہ حالیہ دنوں میں امریکی حکام کے بیانات اور مفاہمتی یادداشت پر عمل نہ کرنے کے اعلانیہ اعتراف نے یہ واضح کر دیا ہے کہ امریکہ اپنے وعدوں سے پھر گیا ہے اور بدستور جارحانہ پالیسی پر عمل پیرا ہے۔
عباس عراقچی نے امریکی فوج کو کسی بھی مہم جوئی سے باز رہنے کی تنبیہ کرتے ہوئے کہا کہ ایرانی عوام اور مسلح افواج ملک کی خودمختاری، علاقائی سالمیت اور قومی سلامتی کے دفاع کے لئے پرعزم ہیں۔
