چین کے قدرتی وسائل سے متعلق تازہ ترین صورتحال جاری

 14 جولائی کو چین کی ریاستی کونسل کے دفترِ اطلاعات کی جانب سے منعقدہ پریس کانفرنس میں چین کے قدرتی وسائل کے اثاثوں کے انتظام کے نظام میں بہتری سے متعلق پیش رفت سے آگاہ کیا گیا۔متعلقہ حکام کے مطابق، حالیہ برسوں میں چین نے 164 اقسام کے معدنی وسائل کے ثابت شدہ ذخائر کی مقدار، جغرافیائی تقسیم، اور ترقی و استعمال کی صورتحال کا جامع جائزہ مکمل کیا ہے۔انہوں نے بتایا کہ اس وقت ملک بھر میں جنگلات کا رقبہ مجموعی زمینی رقبے کے 25.09 فیصد تک پہنچ چکا ہے، جبکہ جنگلات کا مجموعی ذخیرہ 20.988 ارب کیوبک میٹر ہو گیا ہے۔ اس طرح چین وہ ملک بن گیا ہے جہاں شجرکاری میں اضافے کی مقدار اور رفتار، دونوں کے لحاظ سے دنیا میں سب سے زیادہ ہے۔ علاوہ ازیں، چین اس وقت تقریباً 30 لاکھ مربع کلومیٹر سمندری علاقے پر اپنا دائرۂ اختیار استعمال کر رہا ہے، جبکہ قدرتی ساحلی پٹی کو برقرار رکھنے کی شرح 35 فیصد سے تجاوز کر چکی ہے۔