15 تاریخ کو ایران کے وزیر خارجہ عباس عراقچی نے کہا کہ ایران اور امریکہ کے درمیان مذاکرات سے متعلق، امریکہ کی طرف سے کئی متضاد موقف سامنے آئے ہیں۔ انہوں نے کہا کہ ایران کی یورینیم کی افزودگی کی تنصیبات جاری رہیں گی، کوئی بھی ایرانی عوام کو اس حق سے محروم نہیں کر سکتا۔
یاد رہے کہ13 تاریخ کو ٹرمپ نے یہ بیان دیا کہ ایران مشرق وسطیٰ کے علاقے میں عدم استحکام پیدا کرنے کا ذمہ دار ہے۔ 15 تاریخ کو ایرانی صدر مسعود پزشکیان نے ٹرمپ کے بیانات کی شدید مذمت کی۔ انہوں نے پوچھا کہ غزہ کی پٹی میں ہزاروں افراد کو کس نے مارا، اور خوراک اور ادویات کی کمی جیسے انسانیت کے بحران کا ذمہ دار کون ہے؟ انہوں نے مزید کہا کہ امریکہ بڑی تعداد میں ہتھیار تیار کر رہا ہے اور مشرق وسطیٰ میں ہتھیار فروخت کر رہا ہے۔ اگر اس علاقے میں جنگ نہ ہو تو امریکہ کا اسلحہ بیچنے والا بازار ختم ہو جائے گا، اس لیے امریکہ کو تناؤ پیدا کرنے کی ضرورت ہے تاکہ وہ فوجی ساز و سامان فروخت کر سکے۔
