پاکستانی نوجوان جو  تیانجن  میں ووکیشنل ٹریننگ حاصل  کر رہا ہے

5 اگست 2025 (پیپلز ڈیلی آن لائن)محمد محسن، ایک 19 سالہ پاکستانی طالب علم ہے جس کا میجرز ، خودکار برقی ٹیکنالوجی ہے۔ چین اور پاکستان کے درمیان پیشہ ورانہ تعلیمی تعاون کے پروگرام، لو بان ورکشاپ سے مستفید ہوتے ہوئے ، محسن نے ستمبر 2024 میں اسکالرشپ حاصل کرتے ہوئے تیانجن میں اپنی تعلیمی سفر کا آغاز کیا۔ چین کی تکنیکی ترقی کی جدت کے بارے میں ان کا کہنا ہے کہ ایسا لگتا ہے جیسے ہم مستقبل میں جی رہے ہیں۔محمد محسن نے گرمیوں کی چھٹیوں میں چینی زبان کی پیشہ ورانہ تعلیم حاصل کرنے لیے تیانجن میں رہنے کا انتخاب کیا۔ وہ چاہتے ہیں کہ چینی زبان پر اپنی گرفت کو مضبوط کریں تاکہ اگلے سمسٹر کے خصوصی کورسز کے لیے وہ زیادہ بہتر تیاری کر سکیں۔

جولائی 2018 میں، تیانجن ماڈرن ووکیشنل ٹیکنالوجی کالج ، پنجاب ٹیکنیکل ایجوکیشن اینڈ ووکیشنل ٹریننگ اتھارٹی نے پنجاب میں پاکستان لو بان ورکشاپ کی مشترکہ بنیاد رکھی جہاں خودکار برقی ٹیکنالوجی اور الیکٹرو مکینیکل انضمام کی ٹیکنالوجی جیسے کورسز پیش کیے گئے ہیں۔ اس ورکشاپ کا مقصد پیشہ ورانہ تعلیم کو بہتر بنا کر روزگار میں اضافہ کرنا اور چین-پاکستان اقتصادی راہداری کے تحت پاکستانی اور چینی اداروں کے لیے مزید ہنر مند افراد کو تیار کرناہے۔

اب تک، پاکستان کی لو بان ورکشاپ نے 1,000 سے زائد مقامی نوجوانوں کو تربیت دی ہے، جن کے تدریسی اوقات مجموعی طور پر 8,800 گھنٹے سے زیادہ ہیں۔