مقامی وقت کے مطابق 28 اپریل کو، متحدہ عرب امارات نے اعلان کیا کہ وہ یکم مئی 2026 سے پیٹرولیم برآمد کرنے والے ممالک کی تنظیم اوپیک اور "اوپیک پلس" میکانزم سے دستبردار ہو جائے گا۔
یو اے ای کے وزیر توانائی اور انفراسٹرکچر سہیل محمد المزروعی نے کہا کہ متحدہ عرب امارات طویل عرصے سے اوپیک اور اوپیک پلس میکانزم کا رکن رہا ہے، اور یہ کہ عالمی توانائی کی طلب مستقبل میں بڑھتی رہے گی، جس کے لیے دنیا کو مزید توانائی کی فراہمی کی ضرورت ہو گی۔ سہیل محمد المزروعی کا کہنا تھا کہ یہ فیصلہ متحدہ عرب امارات کو شراکت داروں اور سرمایہ کاروں کے ساتھ زیادہ لچکدار طریقے سے کام کرنے کے قابل بنائے گا تاکہ مستقبل کی عالمی منڈی میں خام تیل کی مصنوعات، پیٹرو کیمیکل مصنوعات، قدرتی گیس اور توانائی کے دیگر شعبوں کی طلب کویقینی بنایا جا سکے۔ یاد رہے کہ اوپیک تنظیم عراق کے دارالحکومت بغداد میں ستمبر 1960 میں قائم کی گئی تھی اور متحدہ عرب امارات نے 1967 میں اس تنظیم میں شمولیت اختیار کی۔
