کینیڈا کے وزیرِ اعظم مارک کارنی نے 5 مئی کو اعلان کیا کہ انہوں نے لوئیس آربر کو کینیڈا کی 31ویں گورنر جنرل مقرر کرنے کی سفارش کی ہے، جسے برطانوی بادشاہ چارلس سوم نے منظور کر لیا ہے۔
لوئیس آربر کینیڈا کے شہر مونٹریال میں پیدا ہوئیں اور وہ موجودہ گورنر جنرل میری سائمن کی جگہ سنبھالیں گی، جو کینیڈا کی پہلی مقامی گورنر جنرل تھیں۔ آربر ماضی میں کینیڈا کی سپریم کورٹ کی جج رہ چکی ہیں۔ اس کے علاوہ وہ اقوام متحدہ کی انسانی حقوق کی ہائی کمشنر بھی رہیں، جبکہ روانڈا اور سابق یوگوسلاویہ سے متعلق بین الاقوامی فوجداری ٹریبونل کی چیف پراسیکیوٹر کے طور پر بھی خدمات انجام دے چکی ہیں۔
کینیڈا دولت مشترکہ ممالک میں شامل ہے، جہاں برطانوی بادشاہ ریاست کا سربراہ ہوتا ہے۔ کینیڈا کا گورنر جنرل بادشاہ کے مستقل نمائندے کے طور پر خدمات انجام دیتا ہے، جس کی تقرری کینیڈا کے وزیرِ اعظم کی سفارش پر برطانوی بادشاہ کرتا ہے، اور اس کی مدت پانچ سال ہوتی ہے۔
