7 مئی 2026(پیپلز ڈیلی آن لائن) چین کی نیشنل امیگریشن ایڈمنسٹریشن کے مطابق، یومِ مئی کی تعطیلات کے دوران سرحد پار سفر میں اضافہ دیکھا گیا اور تقریباً 11.3 ملین ٹرپس ریکارڈ کیے گئے۔ اس کی وجہ غیر ملکی سیاحوں بشمول ویزہ فری سیاحوں کی تعداد میں اضافہ ہے۔
5 مئی 2026۔ مشرقی چین کے صوبے جہ جیانگ کے شہر حو جو میں یوم مئی کی تعطیلات کے دوران سیاح کھلتے ہوئے پھولوں کے درمیان خوبصورت شام سے لطف اندوز ہو رہے ہیں۔ (شنہوا)
نیشنل امیگریشن ایڈمنسٹریشن کی فراہم کردہ تفصیلات کے مطابق، یکم مئی سے شروع ہونے والی پانچ روزہ تعطیلات کے دوران ، سرحد پار کرنے والوں کی اوسط تعداد تقریباً 2.26 ملین یومیہ رہی، جو پچھلے سال کی نسبت 3.5 فیصد زیادہ ہے اور یہ تعداد 2 مئی کو عروج پر تھی۔
ان تعطیلات کے دوران، چین آنے اور جانے والے غیر ملکی شہریوں کے ٹرپس کی تعداد 1.26 ملین رہی، جو پچھلے سال کی نسبت 12.5 فیصد اضافہ تھا۔ ان میں بغیر ویزہ چین میں داخل ہونے والوں کی تعداد ، 436,000 تھی ، جو 14.7 فیصد کا اضافہ ہے۔
