ٹرمپ کی عالمی درآمدی ٹیرف پالیسی قانونی بنیاد سے محروم ، امریکی عدالت کا فیصلہ

امریکی انٹرنیشنل ٹریڈ کورٹ نے 7 مئی کو جاری فیصلے میں قرار دیا کہ 10 فیصد عالمی درآمدی ٹیرف عائد کرنے کی پالیسی کے لیے قانونی بنیاد موجود نہیں ہے۔

یاد رہے کہ 20 فروری کو امریکی صدر ڈونلڈ ٹرمپ نے اعلان کیا تھا کہ 1974 کے تجارتی قانون کی شق 122 کے تحت "تمام ممالک پر 10 فیصد عالمی ٹیرف" نافذ کیا جائے گا، جس کی مدت 150 دن مقرر کی گئی تھی۔ یہ اقدام اُن سابقہ ٹیرف اقدامات کی جگہ متعارف کرایا گیا تھا جنہیں امریکی سپریم کورٹ غیر قانونی قرار دے چکی تھی۔ اسی روز امریکی سپریم کورٹ نے بھی ایک فیصلے میں کہا تھا کہ بین الاقوامی ہنگامی اقتصادی اختیارات ایکٹ امریکی صدر کو وسیع پیمانے پر ٹیرف عائد کرنے کا اختیار نہیں دیتا۔