آبنائے تائیوان کے دونوں کناروں کے درمیان تیسری کراس اسٹریٹ چائنیز کلچر سمٹ کا آغاز 11 مئی کو بیجنگ میں ہوا ، جس میں دونوں کناروں کے ثقافتی شعبوں سے متعلق مختلف حلقوں کے نمائندوں نے چینی ثقافت کی وراثت، فروغ اور ترقی کے موضوعات پر تبادلہ خیال کیا۔
اس سال سمٹ میں دونوں کناروں کے ثقافتی شعبوں سے متعلق کئی ذیلی فورمز کے ساتھ ساتھ نمائشی پروگراموں ، ثقافتی پیشکشوں ،مطالعاتی دوروں اور تبادلوں جیسی سلسلہ وار سرگرمیاں منعقد کی گئیں۔ شرکاء نے کہا کہ ثقافت ایک قوم کی روح ہے، یہ دونوں کناروں کے لوگوں کے خون میں موجود ایک ایسا مشترکہ ورثہ ہے جسے الگ نہیں کیا جا سکتا اور یہی ثقافت دونوں کناروں کو جوڑنے والا سب سے مضبوط روحانی رشتہ بھی ہے۔
دونوں کناروں سے شریک مہمانوں نے اس بات پر زور دیا کہ ثقافتی ہم آہنگی اب دونوں کناروں کے عوام کی زندگی کا لازمی حصہ بن چکی ہے اور دونوں کناروں کے درمیان تبادلے اور تعاون کو فروغ دینا عوامی خواہشات کے عین مطابق ہے۔
