مقامی وقت کے مطابق 22 جولائی کو امریکی سینٹرل کمانڈ نے سوشل میڈیا پر جاری ایک بیان میں کہا کہ مشرقی امریکی وقت کے مطابق شام ساڑھے پانچ بجے امریکی فوج نے ایرانی فوجی اہداف کے خلاف حملوں کا ایک نیا دور شروع کر دیا ہے۔ یہ مسلسل 12ویں رات ہے جب امریکی فوج نے ایران کے خلاف حملے کیے ہیں۔امریکی سینٹرل کمانڈ کے مطابق اس کارروائی کا مقصد ایران کی جانب سے اپنے متعلقہ پانیوں میں تجارتی جہاز رانی کے لیے خطرہ پیدا کرنے کی صلاحیت کو کمزور کرنا ہے۔ اس سے قبل امریکی صدر ڈونلڈ ٹرمپ نے کہا تھا کہ اگر ایران آبنائے ہرمز میں بحری جہازوں پر فائرنگ کرتا ہے تو امریکہ تہران اور اس کے گرد و نواح سمیت ایران میں کسی بھی پل یا پاور پلانٹ پر بمباری کرکے تباہ کر دے گا۔ اس کے جواب میں ایرانی فوج نے کہا کہ اگر امریکہ ایرانی پلوں یا پاور پلانٹس پر حملہ کرتا ہے تو ایران خطے میں امریکی مفادات سے وابستہ توانائی کے بنیادی ڈھانچے اور دیگر تنصیبات کو نشانہ بنائے گا۔
