ایرانی وزارت خارجہ کے ترجمان نے 26 تاریخ کو کہا کہ ایران کو یورینیم کی افزودگی سرگرمیوں کو برقرار رکھنا ہوگا، اور اس معاملے میں ایران ذرہ برابر بھی پیچھے نہیں ہٹے گا۔
ترجمان نے مزید کہا کہ یورینیم کی افزودگی ایران کی پرامن جوہری ترقی اور ایرانی جوہری صنعت کا ایک لازمی حصہ ہے جسے ضرور برقرار رکھا جائے گا۔ ایران اس معاملے پر کوئی سمجھوتہ نہیں کر سکتا۔ لہٰذا، عمان سمیت تمام فریقین کی طرف سے پیش کردہ تجاویز میں یہ سرخ لکیر ضرور مدنظر رکھی جائے گی۔
یاد رہے کہ12 اپریل سے 23 مئی تک، ایران اور امریکہ نے جوہری مسئلے پر پانچ بالواسطہ مذاکرات کیے۔ترجمان کے مطابق اگلے دورِ مذاکرات کی تاریخ اور مقام کا ابھی تعین نہیں ہوا۔ایرانی جوہری مذاکراتی ٹیم کے ایک اعلیٰ عہدیدار نے بھی 26 تاریخ کو عمانی تجویز میں ایران کے چھ ماہ تک یورینیم افزودگی معطلی کے دعوے کی تردید کی۔
