لیورپول  میں ایک شخص نے اپنی گاڑی ہجوم پر چڑھا دی ،واقعے میں ستائیس افراد زخمی

مقامی وقت کے مطابق 26 مئی کو، برطانوی علاقے لیورپول کے مرکز میں ایک شخص نے اپنی گاڑی ہجوم پر چڑھا دی ۔ مقامی ایمرجنسی سروسز کے مطابق، واقعے میں 27 افراد زخمی ہوئے ہیں جنہیں اسپتال منتقل کیا گیا ہے۔ زخمیوں میں سے 2 افراد کی حالت نازک ہے، جن میں ایک بچہ بھی شامل ہے۔ زخمیوں کو لیورپول کے مختلف اسپتالوں میں منتقل کیا گیا ہے۔ اس کے علاوہ، مزید 20 افراد کو موقع پر ہی طبی امداد فراہم کی گئی ہے۔

برطانوی میڈیا رپورٹ کے مطابق، واقعے کے وقت ہزاروں مداح سڑکوں پر لیورپول ٹیم کے پریمیئر لیگ چیمپیئن بننے پر خوشی منا رہے تھے۔ لیورپول پولیس کے ایک ترجمان نے کہا کہ مشتبہ گاڑی کو سائٹ پر ہی روک لیا گیا، اور لیورپول سے تعلق رکھنے والے 53 سالہ مرد کو حراست میں لیا گیا ہے۔

مقامی پولیس کے مطابق ابتدائی طور پر اس ہجوم پر حملے کے واقعے کو ایک "انفرادی واقعہ" کے طور پر درج کیا گیا ہے، اور تاحال ایسے شواہد نہیں کہ یہ کوئی دہشت گردی کی کارروائی ہے۔ حادثے کے اصل محرکات جاننے کے لیے تحقیقات جاری ہیں۔