24ستمبر 2025 (پیپلز ڈیلی آن لائن)حہ تھیان کی جڑی بوٹیوں سے بنائی جانے والی چائے کی ایک طویل تاریخ ہے اور یہ چائے پینا یہاں کے معمولات زندگی کا ایک لازمی حصہ ہے۔ یہ کوئی عام چائے نہیں ہے ،یہ لونگ، گوجی بیری، ادرک، کینو کے خشک چھلکے اور گلاب سمیت 30 سے زیادہ اجزاء سے بنائی جاتی ہے، جنہیں پہلے مسلا جاتا ہے اور پھر چائےتیار کی جاتی ہے۔ 2021 میں، چائے بنانے کی اس تکنیک کو قومی سطح کے غیر مادی ثقافتی ورثے میں شامل کیا گیا تھا۔
متقسم منگلک ، حہ تھیان ہربل چائے بنانے والے گھرانے سے تعلق رکھتے ہیں۔ 15 سال کی عمر میں، انہوں نے کاروبار میں اپنے والد کی مدد کرنا شروع کی۔ 2008 میں وہ ایک مقامی طبی اسکول سے فارغ التحصیل ہوئے۔ 2019 میں، انہوں نے اپنی کمپنی قائم کی اور حہ تھیان ہربل ٹی کو ایک پراڈکٹ برینڈ بنایا۔ اس چائے کی ،صحت کے لیے افادیت کی بنیاد پر درجہ بندی اور پیکنگ کی جاتی ہے۔
جڑی بوٹیوں سے چائے بنانے کی تکنیک کے وارث کے طور پر،متقسم منگلک کو دیگر علاقوں میں نمائشوں اور ایکسچینج پروگرامز میں شرکت کا موقع بھی ملتا ہے۔ مشرقی چین کے صوبے آن حوئی اور جنوب مغربی چین کے صوبے سیچوان میں جب انہوں نے اپنے آبائی علاقے کی چائے متعارف کروائی تو انہیں بھرپور رد عمل ملا اور غیر ملکی افراد نے بھی اس میں دلچسپی لی۔ مقامی مصنوعات کے تنوع اور چائے کی پروسیسنگ میں جدت نے اسے مزید ترویج دی ہے۔
