مقامی وقت کے مطابق یکم مارچ کو امریکی صدر ڈونلڈ ٹرمپ نے کہا کہ ایران کے خلاف فوجی کارروائی تقریباً چار ہفتے تک جاری رہ سکتی ہے۔ اسی روز شام کے وقت اسرائیلی دفاعی افواج نے اعلان کیا کہ ایران کے خلاف مختلف محاذوں پر اعلیٰ قیادت کے خلاف تمام "خاتمے کی کارروائیاں" مکمل کر لی گئی ہیں۔
یکم مارچ کی رات ایران کی اسلامی انقلابی گارڈز نے اعلان کیا کہ اسرائیل بھر اور خطے میں امریکی اہداف کے خلاف "وعدۂ صادق 4" آپریشن کا نواں دور شروع ہو گیا ہے۔ اسلامی انقلابی گارڈز کے مطابق خلیج فارس اور آبنائے ہرمز کے علاقے میں خلاف ورزی کرنے والے تین امریکی اور برطانوی تیل بردار جہازوں کو میزائلوں سے نشانہ بنایا گیا ہے۔
اسی دن امریکی فوج نے بیان جاری کیا کہ ایئرکرافٹ کیریئر " ابراہام لنکن " ایران کے حملے کا نشانہ نہیں بنا اور ایران کے داغے گئے میزائل "اس کے قریب بھی نہیں پہنچے"۔ اس سے قبل اسلامی انقلابی گارڈز نے دعویٰ کیا تھا کہ ایئرکرافٹ کیریئر" ابراہام لنکن" کو ایران کے چار بیلسٹک میزائلوں سے نشانہ بنایا گیا۔
