21 جولائی کو چین کے نائب وزیرِ نقل و حمل شو چھنگ گوانگ نے چین کی ریاستی کونسل کے دفترِ اطلاعات کے زیرِ اہتمام ایک پریس کانفرنس میں بتایا کہ ملک کے14ویں پانچ سالہ منصوبے کے دوران چین کے قومی جامع نقل و حمل کے نیٹ ورک کی مجموعی لمبائی 60 لاکھ کلومیٹر سے تجاوز کر گئی ہے۔انہوں نے بتایا کہ "6 محوروں، 7 راہداریوں اور 8 راستوں" پر مشتمل جامع نقل و حمل کے بنیادی ڈھانچے کی تعمیر کا 91 فیصد کام مکمل ہو چکا ہے۔ ملک میں ہائی اسپیڈ ریل کی آپریشنل لائنوں کی مجموعی لمبائی 50 ہزار کلومیٹر سے تجاوز کر گئی ہے، جبکہ قومی شاہراہوں کی مجموعی لمبائی 1 لاکھ 99 ہزار کلومیٹر تک پہنچ گئی ہے۔ ملک کی بندرگاہوں پر 10 ہزار ٹن یا اس سے زیادہ گنجائش رکھنے والی برتھوں کی تعداد 3,061 ہو گئی ہے، جبکہ ٹرانسپورٹ ایئرپورٹس کی مجموعی تعداد 270 تک جا پہنچی ہے۔ انہوں نے مزید بتایا کہ چین نے ڈاک اور ترسیل کے شعبے میں دنیا کا سب سے بڑا نیٹ ورک قائم کر لیا ہے، جس سے مستفید ہونے والے افراد کی تعداد بھی دنیا میں سب سے زیادہ ہے۔
