5 اگست کو چین کی ریاستی کونسل کی جانب سے جاری کردہ ہدایات گائیڈ لائنز کے مطابق چین ، خزاں سمسٹر سے بچوں کے لیے پرائمری سکول میں داخلے سے ایک سال پہلے کے دوران ، پبلک کنڈرگارٹنز میں دیکھ بھال اور تعلیم کی فیس معاف کرے گا۔ ریاستی کونسل کے جنرل آفس کی جانب سے جاری کردہ دستاویز کے مطابق ، یہ اقدام تعلیمی اخراجات میں مؤثر کمی اور عوامی تعلیم کی خدمات کو بہتر بنانے کے لیے ہے۔
نجی کنڈرگارٹنز میں داخلہ لینے والے بچوں کے لیے بھی ان کی دیکھ بھال اور فیس میں اتنی ہی کمی کی جائے گی جتنی کہ عوامی کنڈرگارٹنز میں کی گئی ہے ۔ اس کے ساتھ ہی، مالیاتی محکمے کنڈرگارٹنز کو سبسڈی فراہم کریں گے تاکہ اس پالیسی کی وجہ سے ان کی آمدن کو پہنچنے والے نقصان کا ازالہ کیا جا سکے۔
ہدایات میں یہ بھی کہا گیا ہے کہ مقامی حکام کو کہیا گیا ہے کہ وہ کمزور مالی حیثیت والے گھرانوں، یتیموں اور معذور بچوں جیسے گروپس کے لیے مقامی حالات کے مطابق معاونت کی پالیسیز کو مزید مستحکم کریں۔دستاویز میں یہ بھی کہا گیاہے کہ مالی اور تعلیمی شعبے کے حکام کو ہر سطح پر فنڈز کا انتظام بہتر بنانا چاہیے اور کنڈرگارٹنز کی معمول کی سرگرمیوں کو یقینی بنانے کے لیے بروقت اور مکمل طور پر فنڈز مختص کرنے چاہئیں۔
