چین نے دنیا میں صاف بجلی کی فراہمی کا سب سے بڑا نظام قائم کیا ہے

28 جنوری کو چین کی وزارت حیاتیات و ماحولیات نے ایک پریس کانفرنس میں بتایا کہ ملک کے "14 ویں پانچ سالہ منصوبے" کی مدت کے دوران، چین نے دنیا میں صاف بجلی کی فراہمی اور صاف اسٹیل کی پیداوار کے سب سے بڑے نظام کے ساتھ ساتھ دنیا کی سب سے بڑی کاربن اخراج کی تجارتی منڈی بھی قائم کی ہے۔ گزشتہ پانچ سالوں کے دوران، نئے معیار کی پیداواری قوتوں نے ترقی کو آگے بڑھایا ہے، اور ملک میں سبز اور کم کاربن پر مبنی تبدیلی کی رفتار تیز ہو رہی ہے۔ملک کے" 14ویں پانچ سالہ منصوبے" کی مدت کے دوران، چین میں نئی توانائی کی گاڑیوں کی مارکیٹ تک رسائی کی شرح 50فیصد سے تجاوز کر گئی۔ کلیدی علاقوں اور کلیدی صنعتوں میں صاف اور گرین نقل و حمل کا تناسب 78 فیصد تک جا پہنچا ہے۔ 2025 کےاختتام تک، کاربن کے اخراج کے کوٹہ کا مجموعی تجارتی حجم 865 ملین ٹن تک پہنچ گیا، جس کی مالیت 57.663 بلین یوآن تھی۔ چین نے موسمیاتی تبدیلیوں سے نمٹنے کے لیے قومی حکمت عملی 2035 جاری کی اور کلیدی علاقوں اور اہم خطوں میں موسمیاتی تبدیلی کے حوالے سے اہم اقدامات کیے ہیں۔