شمال مشرقی چین کے صوبے حیلونگ جیانگ کا شہر ، ہاربن
چینی سالِ نو کا ایک نہایت منفرد اور یادگار تجربہ چاہتے ہیں تو پھر ہاربن بہترین انتخاب ہے۔ لالٹینوں اور سالِ نو کے میلوں کے ساتھ جشن منانے والے دوسرے شہروں کی نسبت ، ہاربن برف کی ایک جادوئی دنیا پیش کرتا ہے جہاں شدید ٹھنڈ میں بھی نئے سال کی حرارت محسوس کی جاسکتی ہے۔
ہاربین آئس اینڈ سنو ورلڈ اس کا خاص مقام ہے، جو اس شہر کا مشہور ونٹر فیسٹیول اور موسم سرما میں چین کا سب سے پرکشش ایونٹ ہے۔ رواں سال کا فیسٹیول اب تک کا سب سے بڑا ایونٹ ہے، جو 1.2 ملین مربع میٹر پر پھیلا ہوا ہے اور اس میں 400,000 مکعب میٹر سے زیادہ برف کا استعمال ہوا ہے۔
برف کے شاندار قلعوں اور روشن مجسموں سے سجے اس آئس اینڈ سنو ورلڈ میں رات کے وقت ایک روشن طلسماتی سلطنت کا گمان ہوتا ہے ۔ سیاح ، برف کی چمکیلی ، روشن راہداریوں میں گھوم سکتے ہیں اور روایتی دستکاری کے ساتھ برف کی تخلیق کا کمال دیکھ سکتے ہیں ۔اس کے علاوہ برف کے سلائیڈز اور مختلف دلچسپ کھیل، خاندانوں کے ایک ساتھ مل کر سال نو منانے کے لیے ایک بہترین موقع فراہم کرتے ہیں ۔
آئس اینڈ سنو ورلڈ سے باہر ، ہاربن میں سجا جشن کا ماحول تعطیلات کے جوش کو بڑھاتا ہے۔ مرکزی سٹریٹ جیسے مقامات اور اس کی یورپی طرز کی تعمیرات یادگار تصاویر لینے اور زندگی سے بھرپور بازار خوبصورت تحائف کی صورت میں یادیں سمیٹنے کا ماحول بناتے ہیں۔ بصری طور پر شاندار اور موسمی تعطیلات کے لیے، ہاربن چین میں جشنِ بہار کا سب سے سنیماٹوگرافک تجربہ فراہم کرتا ہے۔
5 جنوری 2026 ۔ ہاربن آئس اینڈ سنو ورلڈ کا فضائی منظر ( شنہوا۔ جانگ تھاو)
